2026-2027-мӗш  ҫулсенчи хутса ӑшӑтмалли тапхӑра коммуналлӑ комплекс хӗле хатӗррипе хатӗр маррине Чӑваш Республикин Министрсен Кабинечӗн Председателӗ Сергей Артамонов ертсе пыракан эрнесерен ирттерекен планеркӑра сӳтсе явнӑ.

Социаллӑ учрежденисене ӑшӑ парасси авӑн уйӑхӗн 16-мӗшӗнче пуҫланнӑ, юпа уйӑхӗн  5-мӗшӗнчен – нумай хваттерлӗ ҫуртсене ӑшӑпа тивӗҫтерме тытӑннӑ. Ҫӗнӗ Шупашкар тата  17 муниципалитетра пурӑнакансене  ӑшӑпа туллин тивӗҫтернӗ. Ача сачӗсене, шкулсемпе сиплев учрежденйӗсене 100% таран хутса ӑшӑтаҫҫӗ. Юлнӑ 15 ҫуртпа студентсен  пӗр общежитине ҫӗнӗ коммуналлӑ инфратытӑмпа тивӗҫтерме палӑртнӑ, вӗсене харӑсах пӗр саматра ӑшӑпа тивӗҫтерме пуҫлӗҫ. Тӗпрен юсав ӗҫӗсем пурнӑҫланакан объектсенче ятарлӑ йышӑннӑ графикпа килӗшӳллӗн хутса ӑшӑтмалли тапхӑра хатӗрленсе пырӗҫ.

Пурӑнмалли ҫурт-йӗрпе коммуналлӑ хуҫалӑха тата ТЭКа хӗллехи тапхӑра хатӗрлес ыйтӑва тарӑн пӑхса тухнӑ. Республикӑн строительство министрӗ Владимир Михайлов каланӑ тӑрӑх, ҫурт-йӗрпе коммуналлӑ хуҫалӑхра ӗҫлекенсем умӗнчи тӗллев – планпа пӑхса хӑварнӑ ӗҫсене туллин пурнӑҫламалла. Хутса ӑшӑтмалли системӑсене ылмаштармалла, шыв пӑрӑхӗсене те шалти енчен ҫуса тасатмалла. Ку ӗҫсене вара пӗтӗмпех йӗркелесе ҫитернӗ тесен те йӑнӑш мар.

 «Пирӗн тӗллев – хутса ӑшӑтмалли сезонӑн старчӗ ҫынсем валли вӑхӑтра тата хӑтлӑрах иртмелли ҫакӑн пек условисем туса парасси. Ҫакна тума эпир республикӑри пӗтӗм коммуналлӑ комплекса кулленех ҫӗнетсе пыратпӑр.  Хальхи технологисем ҫак процеса хӑвӑртлатаҫҫӗ», – тесе палӑртса каланӑ Чӑваш Ен Пуҫлӑхӗ Олег Николаев.

Планеркӑра палӑртнӑ тӑрӑх, кунашкал мел кӑтартусем парать ӗнтӗ: ӗҫсем пӗлтӗрхинчен хастартаах пулса пыраҫҫӗ. Объектсене валли палӑртнӑ пур срокӗ те ҫирӗп тӗрӗслевре пулнине асӑннӑ ертӳҫӗсем.

Уйрӑмах финанс  ыйтӑвӗсем ҫине пысӑк тимлӗх уйӑрнӑ.  Сергей Артамонов энергоресурссемпе тивӗҫтерекенсене вӑхӑтра  тӳлевсене парса татмаллине, ыйтӑва кулленех тӗрӗслеве илме каланӑ.  Бюджет учрежденийӗсем енчен парӑмлӑ пулмалла маррине палӑртнӑ.  Калаҫу кунта газ пирки пырать.

Чӑваш Енӗн строительство министрӗ Владимир Максимов пӗлтернӗ тӑрӑх, пӗр чӑрмавсӑр ӗҫлеме хӗлле топливӑна нормативран икӗ хута яхӑн хӑпартнӑ.  Ӑнсӑртран пӑтӑрмахсем сиксе тухсан, 657 резерври энерги ҫӑлкуҫне хатӗрлесе талӑксерен дежурствӑпа ҫыхӑннӑ 163 авари бригадине йӗркеленӗ.

Чӑваш Ен Патшалӑх ҫурт-йӗр инспекцийӗн ертӳҫи Виктор Кочетков пӗлтернӗ тӑрӑх, ҫынсенчен килекен ыйтусене туххӑмрах татса панине асӑннӑ.  Авӑн уйӑхӗн  25-мӗшӗнчен пуҫласа  ведомствӑн хӗрӳ линийӗ ҫине 197 шӑнкӑрав тата 69 ҫыру заявленийӗ килнӗ.  Хваттерсене туллин ӑшӑпа тивӗҫтермесӗр, ҫӑхавсене тимлӗхрен ямаҫҫӗ.