Хаклӑ туссем! Чӑваш Республикинче пурӑнакансене пурне те уявпа – Ашшӗн кунӗ ячӗпе саламлатӑп!

Пирӗн халӑх йӑли-йӗркипе атте хуть хӑҫан та сумлӑ ҫын шутланнӑ. Ӑна хисепленӗ, унӑн канашӗсене итленӗ, унран тӗслӗх илнӗ. Ҫемье пуҫӗ пуласси – эсӗ кил-ҫуртшӑн, ҫывӑх ҫынсен хӑрушсӑрлӑхӗшӗн тата ачусем мӗнлерех ҫын пулса ӳссе ҫитӗннишӗн хӑв ҫине илекен пысӑк яваплӑх. Чӑваш Енре Ашшӗн кунне 2020 ҫултах паллӑ тума йышӑннӑ. Кӑшт каярах вара республикӑра «Атте» обществӑлла паллӑна ҫирӗплетнӗ. Унпа ашшӗ-амӑшӗн пархатарлӑ ӗҫӗсем пӗтӗм обществӑшӑн тивӗҫлӗ тӗслӗх шутланакан арҫынсене чыслаҫҫӗ.

Паян Чӑваш Енре ашшӗлӗх – пысӑк ӗҫ тӑвакан чӑн вӑй. Пирӗн республикӑри Ашшӗсен канашӗ хастар чунлӑ пин-пин арҫынна пӗрлештерет. Эсир ҫул ҫитменнисене шефа илетӗр, ҫамрӑксене спортпа патриот воспитанийӗ парассишӗн ҫине тӑратӑр. Хӑвӑр ӗҫӗр-хӗлӗрпе эсир пурнӑҫра ют ачасем пулмалла маррине ӗненмелле ҫирӗплететӗр. Ҫакӑн пек воспитани ӗҫӗ – сирӗн ҫывӑх ҫыннӑрсемшӗн кӑна мар, ҫавӑн пекех регионти пӗтӗм ҫамрӑк ӑрушӑн шанчӑклӑ тӗрев.

Паянхи кун арҫын тивӗҫӗ ӑнлав уйрӑм пӗлтерӗшпе янӑрать. Чылай ҫемье пуҫӗ ҫак уява ятарлӑ ҫар операцийӗ пыракан тӑрӑхра кӗтсе илет. Сире пӗтӗм Чӑваш Ен ҫӗнтерӳпе кӗтет тата эпир сирӗн ҫывӑх ҫыннӑрсем кунта, тылра, патшалӑх вӗсемшӗн тӑрӑшнине туйса тӑччӑр тесе хамӑртан мӗн кирлине пурне те тӑвӑпӑр.

Ывӑлӗсем паян малти линири ашшӗсене таймапуҫ. «Салтак ашшӗ» медальпе чысланӑ арҫынсем – республикӑн уйрӑм мӑнаҫлӑхӗ. Хаяр тӗрӗслев вӑхӑтӗнче каялла чакман, Тӑван ҫӗршыв хӳтӗлевҫисен ретне тӑнӑ тивӗҫлӗ ывӑл пӑхса ҫитӗнтерни – ашшӗ-амӑшӗн пысӑк паттӑрлӑхӗ.

Атте пуласси – яваплӑ, тепӗр чухне курӑнсах та кайман, анчах та арҫын пурнӑҫ тӑршшӗпех туса пымалли пысӑк пӗлтерӗшлӗ ӗҫ. Сире пурсӑра та ҫирӗп сывлӑх, иксӗлми вӑй-хал тата пурнӑҫра пысӑк ӑс сунатӑп! Сирӗн килӗрте тӑнӑҫлӑхпа килӗшӳ хуҫаланччӑр, ачӑрсем вара яланах савӑнмалли тата мӑнаҫланмалли тӗп сӑлтав пулччӑр.

Уяв ячӗпе!

Чӑваш Республикин Пуҫлӑхӗ                        Олег Николаев