Ҫулталӑк пуҫланнӑранпа республикӑри 118 пин ытла ҫын «Макс» наци мессенджерӗнчи чат-бот урлӑ тухтӑр патне йышӑнма ҫырӑннӑ. Тата 40 пин ытла пациент поликлиникӑна тепӗр хут каймасӑрах больницӑри хутсене хупнӑ. Пӗтӗмӗшле илсен ку 158 пин ытла медицина  пулӑшӑвне онлайн-мелпе илнӗ, ҫапла майпа  кун пек ҫӗнӗлӗх ҫынсене ытлашши черетсенчен хӑтарнӑ, вӑхӑта перекетлеме май панӑ.

Чӑваш Енре цифрӑллӑ сывлӑх сыхлавӗн хальхи модельне системӑллӑн  йӗркелесе пыраҫҫӗ.  Республика Правительстви ӑна приоритетлӑ ҫул-йӗр пек пурнӑҫлать. Телемедицина консультацийӗсем тӗп ҫӗнӗлӗх пулса тӑчӗҫ. Тухтӑр чи малтанах чат-бот урлӑ йышӑну палӑртнӑ пулсан, малашне мӗн тумаллине, ҫав шутра онлайн мелӗпе ытти хӑш-пӗр ӗҫсене те пурнӑҫлаҫҫӗ. Кун пек  йышӑну тунии поликлиника ҫине  лекекен ӗҫе палӑрмаллах чакарать.

 «Пирӗн тӗп тӗллев – ҫын сывлӑхне упраса хӑварма витӗм кӳресси. Поликлиникӑн коридорӗсенче черетре тӑмалла мар, туххӑмрах палӑртнӑ вӑхӑтпа усӑ курма пӗлмелле.  Паллӑ медицина сервисӗсене цифра формачӗ ҫине куҫарасси хӑйӗн практикӑлла уссине кӑтартса пачӗ: Чӑваш Енри сывлӑх сыхлав системи хӑвӑртрах та витӗртерех ӗҫлеме пуҫларӗ. Ҫынсен ыйтӑвӗсене тимлесси – приоритетра. Кун пек май паракан кӑтартусем пациентсен те сисӗнеҫҫӗ, цифрӑллӑ сервиссем те кирлӗ пулаҫҫӗ, эпир ҫак ҫул-йӗре малалла аталантаратпӑр», – тесе палӑртса каланӑ Чӑваш Ен Пуҫлӑхӗ Олег Николаев.

Республика Ертӳҫи хушнипе Чӑваш Ен Сывлӑх сыхлав министерстви проектӑн тепӗр тапхӑрӗ ҫине куҫнӑ та ӗнтӗ. Ҫитес вӑхӑтра «Максри» чат-бот майӗсене анлӑлатӗҫ: усӑ куракансем участокри терапевтсем патне кӑна мар, профильлӗ специалистсем патне те дистанцилле ҫырӑнма пултарӗҫ.