Чӑваш Ен Пуҫлӑхӗн Чӑваш Республикин Патшалӑх Канашне янӑ Ҫырӑвӗ юпа уйӑхӗн 30-мӗшӗнче 11.00 сехетре Чӑваш патшалӑх филармонийӗнче пулать.

Хӑйӗн сӑмахӗнче Олег Николаев регион аталанӑвӗн тӗп ҫул-йӗрӗсене палӑртакан программа докуменчӗпе паллаштарӗ.

Ҫырура Республика Пуҫлӑхӗ ҫывӑх вӑхӑтри малашлӑх валли регионӑн стратегилле приоритетӗсемпе тӗллевӗсене, ҫынсен пурнӑҫ шайне ӳстерес, инфратытӑма аталантарма тата экономика вӑй-хӑватне ҫирӗплетме кирлӗ мерӑсене палӑртса хӑварӗ. Социаллӑ-экономика политикин тӗп ҫул-йӗрӗсене, наци проекчӗсемпе патшалӑх программисене пурнӑҫлассипе ҫыхӑннӑ ыйтусене тишкерӗҫ.

Ҫырӑва тӳрӗ эфирта кӑтартса пырӗҫ: Чӑваш Наци телевиденийӗн, «Россия 24», «ЮТВ» телеканалсен тата Чӑваш Наци радиовӗн хумӗсенче курма пулӗ. Ҫавӑн пекех ВКонтактри социаллӑ сетри «Чувашская Республика» пӗрлӗхре, «НАШИ НОВОСТИ | РЕСПУБЛИКА» МАХ каналта та условисем пулӗҫ.

Чӑвашла тата вырӑсла текст версийӗсене «Чувашинформ» тата «Хыпар» ресурссенче кӑтартса пырӗҫ.